anjam KHushi ka duniya mein sach kahte ho gham hota hai
sabit hai gul aur shabnam se jo hansta hai wo rota hai

Sayad Mohammad Abdul Ghafoor Shahbaz

---

---

dil to dil afai-e-gesu wo bala hai kafir
is ka kaTa koi afi bhi na pani mange

Sayad Mohammad Abdul Ghafoor Shahbaz

---

---

hum ro ro ashk bahate hain wo tufan baiThe uThate hain
yun hans hans kar farmate hain kyun mard ka nam Dubota hai

Sayad Mohammad Abdul Ghafoor Shahbaz

---

---

KHuda ne munh mein zaban di hai to shukr ye hai ki munh se bolo
ki kuchh dinon mein na munh rahega na munh mein chalti zaban rahegi

Sayad Mohammad Abdul Ghafoor Shahbaz

---

---

miTTi ka hi ghar na hoga barbaad
miTTi tere tan ka ghar bhi hoga

Sayad Mohammad Abdul Ghafoor Shahbaz

---

---

shab-e-firaq ka chhaya hua hai rob aisa
bula bula ke thake hum qaza nahin aai

Sayad Mohammad Abdul Ghafoor Shahbaz

---

---

'shahbaz' mein aib hi nahin kul
ek aadh koi hunar bhi hoga

Sayad Mohammad Abdul Ghafoor Shahbaz

---

---