kab ban-bas kaTe is shahar ke logon ka
qufl khulen kab jaane band makanon ke

Sattar Syed

---

---

lahu mein phul khilane kahan se aate hain
nae KHayal na jaane kahan se aate hain

Sattar Syed

---

---

sahar ko sath uDa le gai saba jaise
ye kis ne kar diye raste dhuan dhuan mere

Sattar Syed

---

---

samundaron ko sikhata hai kaun tarz-e-KHiram
zamin ki tah mein KHazane kahan se aate hain

Sattar Syed

---

---

shayad ab KHatm hua chahta hai ahd-e-sukut
harf-e-eajaz ki tasir se lab jagte hain

Sattar Syed

---

---

yun ehtimam-e-radd-e-sahar kar diya gaya
har raushni ko shahr-badar kar diya gaya

Sattar Syed

---

---