aasman tu ne chhupa rakkha hai suraj ko kahan
kyun kalai mein teri band ghaDi hai ab bhi

Sardar Asif

---

---

aata raha hun yaad main us ko tamam umr
is zawiye se ishq mein nakaam kab hua

Sardar Asif

---

---

ghazal kahne mein yun to koi dushwari nahin hoti
magar ek masala ye hai ki meyari nahin hoti

Sardar Asif

---

---

ho lene do barish hum bhi ro lenge
dil mein hain kuchh zaKHm purane dho lenge

Sardar Asif

---

---

KHat ho koi kitab ho ya dil ka zaKHm ho
jo bhi hai mere pas nishani usi ki hai

Sardar Asif

---

---

KHata us ki muafi se baDi hai
main kya karta saza deni paDi hai

Sardar Asif

---

---

koi shikwa nahin hum ko kisi se
KHud apni zat hum ko chhal rahi hai

Sardar Asif

---

---

main KHud ko dekhun agar dusre ki aankhon se
milengi KHamiyan apne hi shah-karon mein

Sardar Asif

---

---

main tujh se jhuk ke mila hun magar ye dhyan rahe
baDa nahin hun magar tujh se qad mein kam bhi nahin

Sardar Asif

---

---