chalo banT lete hain apni sazaen
na tum yaad aao na hum yaad aaen

Sardar Anjum

---

---

gham-e-hayat ka jhagDa miTa raha hai koi
chale bhi aao ki duniya se ja raha hai koi

Sardar Anjum

---

---

ghamon ne gher liya hai mujhe to kya gham hai
main muskura ke jiyunga teri KHushi ke liye

Sardar Anjum

---

---

kabhi kabhi tu mujhe yaad kar to leti hai
sukun itna sa kafi hai zindagi ke liye

Sardar Anjum

---

---

sabhi ne lagaya hai chehre pe chehra
kise yaad rakkhen kise bhul jaen

Sardar Anjum

---

---

wo moD jis ne hamein ajnabi bana Dala
us ek moD pe dil ab bhi gungunata hai

Sardar Anjum

---

---

zindagi ek imtihan hai imtihan ka Dar nahin
hum andheron se guzar kar raushni kahlaenge

Sardar Anjum

---

---