andhere ko nigalta ja raha hun
diya hun aur jalta ja raha hun

Saleem Figar

---

---

kahin aankhen kahin bazu kahin se sar nikal aae
andhera phailte hi har taraf se Dar nikal aae

Saleem Figar

---

---

lafz le kar KHayal ki wusat
sher ki tazgi ki samt gaya

Saleem Figar

---

---

shaKH-dar-shaKH teri yaad ki hariyali hai
hum ne shadab bahut dil ka shajar rakkha hai

Saleem Figar

---

---

wo chand TuT gaya jis se raat raushan thi
chamak rahe the falak par jo sab sitare gae

Saleem Figar

---

---