ai shama ahl-e-bazm to baiThe hi rah gae
kahne ki thi jo baat wo parwana kah gaya

Sahir Siyalkoti

---

---

aDhi hai KHana-e-dil mein kuchh aur tariki
charagh-e-ishq jalaya tha raushni ke liye

Sahir Siyalkoti

---

---

gulon ko toDte hain sunghte hain phenk dete hain
ziyaada bhi numaish husn ki achchhi nahin hoti

Sahir Siyalkoti

---

---

hoti hai dusron ko hamesha ye nagawar
apne siwa kisi ko nasihat na kijiye

Sahir Siyalkoti

---

---

KHulus-e-shauq mein 'sahir' baDi tasir hoti hai
wahin kaba simaT aaya jabin hum ne jahan rakh di

Sahir Siyalkoti

---

---

sambhal kar panw rakhna wadi-e-ishq-o-mohabbat mein
yahan jo sair ko aata hai bach kar kam nikalta hai

Sahir Siyalkoti

---

---

ye kyunkar man len ulfat hamein karni nahin aati
kiya hai kaam hi kya aur ulfat ke siwa hum ne

Sahir Siyalkoti

---

---