aaKHir taDap taDap ke ye KHamosh ho gaya
dil ko sukun mil hi gaya iztirab mein

Sahir Hoshiyarpuri

---

---

ab to ehsas-e-tamanna bhi nahin
qafila dil ka luTa ho jaise

Sahir Hoshiyarpuri

---

---

ahl-e-kashti ne KHud-kushi ki thi
hua badnam naKHuda ka nam

Sahir Hoshiyarpuri

---

---

apni apni zat mein gum hain ahl-e-dil bhi ahl-e-nazar bhi
mahfil mein dil kyunkar bahle mahfil mein tanhai bahut hai

Sahir Hoshiyarpuri

---

---

dil wo sahra hai ki jis mein raat din
phul khilte hain bahaar aati nahin

Sahir Hoshiyarpuri

---

---

hum ko aghyar ka gila kya hai
zaKHm khaen hain hum ne yaron se

why should enemies be my reason to complain
when at the hands of friends, I have suffered pain

Sahir Hoshiyarpuri

---

---

hum qarib aa kar aur dur hue
apne apne nasib hote hain

Sahir Hoshiyarpuri

---

---

hui thi KHwab mein KHushbu si mahsus
tum aae KHwab ki tabir dekhi

Sahir Hoshiyarpuri

---

---

jab bigaDte hain baat baat pe wo
wasl ke din qarib hote hain

Sahir Hoshiyarpuri

---

---