agar shuur na ho to bahisht hai duniya
baDe azab mein guzri hai aagahi ke sath
Sahba Akhtar
ayan-e-laghzish-e-adam na kar ki wo fitna
meri zamin se nahin tere aasman se uTha
Sahba Akhtar
dil ke ujDe nagar ko kar aabaad
is Dagar ko bhi koi rahi de
Sahba Akhtar
hamein KHabar hai zan-e-fahisha hai ye duniya
so hum bhi sath ise be-nikah rakhte hain
Sahba Akhtar
main use samjhun na samjhun dil ko hota hai zarur
lala o gul par guman ek ajnabi tahrir ka
Sahba Akhtar
mere suKHan ki dad bhi us ko hi dijiye
wo jis ki aarzu mujhe shaer bana gai
Sahba Akhtar
meri tanhaiyon ko kaun samjhe
main saya hun magar KHud se juda hun
Sahba Akhtar
'sahba' sahab dariya ho to dariya jaisi baat karo
tez hawa se lahar to ek jauhaD mein bhi aa jati hai
Sahba Akhtar
shayad wo sang-dil ho kabhi mail-e-karam
surat na de yaqin ki is ehtimal ko
Sahba Akhtar