as is KHayal se dekha tamam logon ko
jo aaj aise hain kaise wo kal rahe honge

Sagheer Malal

---

---

ek lamhe mein zamana hua taKHliq 'malal'
wahi lamha hai yahan aur zamana hai wahi

Sagheer Malal

---

---

ek rahne se yahan wo mawara kaise hua
sab se pahla aadmi KHud se juda kaise hua

Sagheer Malal

---

---

ghar ke bare mein yahi jaan saka hun ab tak
jab bhi lauTo koi darwaza khula hota hai

Sagheer Malal

---

---

hai ek umr se KHwahish ki dur ja ke kahin
main KHud ko ajnabi logon ke darmiyan dekhun

Sagheer Malal

---

---

mere bare mein jo suna tu ne
meri baaton ka ek hissa hai

Sagheer Malal

---

---

aushni hai kisi ke hone se
warna buniyaad to andhera tha

Sagheer Malal

---

---

sab sawalon ke jawab ek se ho sakte hain
ho to sakte hain magar aisa kahan hota hai

Sagheer Malal

---

---

samajhta hun main agar sab alamaten us ki
to phir wo meri tarah se hi sochta hoga

Sagheer Malal

---

---