anawaT ho to aisi ho ki jis se sadgi Tapke
ziyaada ho to asli husn chhup jata hai zewar se

Safi Lakhnavi

---

---

den bhi jawab-e-KHat ki na den kya KHabar mujhe
kyun apne sath le na gaya nama-bar mujhe

Safi Lakhnavi

---

---

dekhe baghair haal ye hai iztirab ka
kya jaane kya ho parda jo uTThe naqab ka

Safi Lakhnavi

---

---

ghazal us ne chheDi mujhe saz dena
zara umr-e-rafta ko aawaz dena

Safi Lakhnavi

---

---

janaza rok kar mera wo is andaz se bole
gali hum ne kahi thi tum to duniya chhoDe jate ho

Safi Lakhnavi

---

---

kal hum aaine mein ruKH ki jhurriyan dekha kiye
karwan-e-umr-e-rafta ka nishan dekha kiye

Safi Lakhnavi

---

---

KHatm ho jate jo husn o ishq ke naz o ada
shaeri bhi KHatm ho jati nubuwwat ki tarah

Safi Lakhnavi

---

---

meri nash ke sirhane wo khaDe ye kah rahe hain
ise nind yun na aati agar intizar hota

Safi Lakhnavi

---

---

paigham zindagi ne diya maut ka mujhe
marne ke intizar mein jina paDa mujhe

Safi Lakhnavi

---

---