chizen apni jagah pe rahti hain
tirgi bas unhen chhupati hai

Saeed Naqvi

---

---

ibtida mujh mein intiha mujh mein
ek mukammal hai waqia mujh mein

Saeed Naqvi

---

---

jab aaine dar-o-diwar par nikal aaen
to shahr-e-zat mein rahna bhi ek qayamat hai

Saeed Naqvi

---

---

kuchh log the safar mein magar ham-zaban na the
hai lutf guftugu ka jo apni zaban mein ho

Saeed Naqvi

---

---

main apne sare sawalon ke jaanta hun jawab
mera sawal mere zehn ki shararat hai

Saeed Naqvi

---

---

main dur dur se KHud ko uTha ke lata raha
ki TuT jaun to phir dur tak bikharta hun

Saeed Naqvi

---

---

tu meri tishna-labi par sawal karta hai
samundaron pe banaya tha apna ghar main ne

Saeed Naqvi

---

---

ye KHud-nawisht to mujh ko adhuri lagti hai
jo ho sake to naya intisab mangun main

Saeed Naqvi

---

---