hum bhi usi ke sath gae hosh se 'said'
lamha jo qaid-e-waqt se bahar chala gaya

Saeed Ahmad

---

---

jal thal ka KHwab tha ki kinare Dubo gaya
tanha kanwal bhi jhil se bahar nikal paDa

Saeed Ahmad

---

---

jo tere KHitta-e-be-ab ki KHwahish na bana
kulbulata hai wo dariya kisi kohsar mein gum

Saeed Ahmad

---

---

KHushk patton mein kisi yaad ka shoala hai 'said'
main bujhata hun magar aag bhaDak jati hai

Saeed Ahmad

---

---

kuchh log ibtida-e-rifaqat se qabl hi
aainda ke har ek guzishta tak aa gae

Saeed Ahmad

---

---

mera wajud hawala tera hua aaKHir
to kha gaya na mujhe tu mere sawal-e-qadim

Saeed Ahmad

---

---

sab karishme talluqat ke hain
KHak uDti hai KHak-dan mein kya

Saeed Ahmad

---

---

shorish-e-waqt hui waqt ki raftar mein gum
din guzarte hain tere KHwab ke aasar mein gum

Saeed Ahmad

---

---

us din se paniyon ki tarah bah rahe hain hum
jis din se pattharon ka irada samajh liya

Saeed Ahmad

---

---