abr ka saya o sabza rah ka
jaan-e-man rath ki sawari yaad hai

Sadruddin Mohammad Faez

---

---

jo kahiye us ke haq mein kam hai be-shak
pari hai hur hai ruh-ul-amin hai

Sadruddin Mohammad Faez

---

---

kare rashk-e-gulistan dil ko 'faez'
mera sajan bahaar-e-anjuman hai

Sadruddin Mohammad Faez

---

---

main ne kaha ki ghar chalegi mere sath aaj
kahne lagi ki hum sun na kar baat tu buri

Sadruddin Mohammad Faez

---

---

pani howe aarsi us mukh ko dekh
zohra use kya ki iqamat kare

Sadruddin Mohammad Faez

---

---

aat din tu rahe raqiban-sang
dekhna tera mujh muhaal hua

Sadruddin Mohammad Faez

---

---

tujh ko hai hum se judai aarzu
mere dil mein shauq hai didar ka

Sadruddin Mohammad Faez

---

---

ushshaq jaan-ba-kaf khaDe hain tere aas-pas
ai dil-ruba-e-ghaarat-e-jaan apne fan mein aa

Sadruddin Mohammad Faez

---

---

wahi qadr 'faez' ki jaane bahut
jise ishq ka zaKHm kari lage

Sadruddin Mohammad Faez

---

---