apne gale pe chalti chhuri ka bhi dhyan rakh
wo tez hai ya kund zara dhaar dekh le

Sadiq

---

---

fursat ho to ye jism bhi miTTi mein daba do
lo phir main zaman aur makan se nikal aaya

Sadiq

---

---

guman na tha ki lifafe mein KHat ke badle wo
lahu-luhan taDapti zaban rakh dega

Sadiq

---

---

is ghumti zamin ka mehwar hi toD do
be-kar gardishon pe KHafa ho rahe hun kyun

Sadiq

---

---

kaT aagahiyon ki fasl magar
zehan mein kuchh nae sawal uga

Sadiq

---

---

un ki yaad mein bahte aansu KHushk agar ho jaenge
sat samundar apni KHali aaankhon mein bhar launga

Sadiq

---

---

uTha hi laya sabhi raste wo kandhon par
yaqin us pe na karta to main kidhar jata

Sadiq

---

---