aad mein rakhe sarabon ke dayaron mein qadam
pahle wo sans ki sarhad pe to aa kar dekhe

Riyaz Latif

---

---

as lahu ki bund thi ehsas mein
phir ugaya dasht ne ek sar naya

Riyaz Latif

---

---

kabhi to manzaron ke is tilism se ubhar sakun
khaDa hun dil ki sath par KHud apne intizar mein

Riyaz Latif

---

---

KHuda ki KHamoshi mein shayad ho us ka wajud
zamana hua nam apna pukare hue

Riyaz Latif

---

---

kisi ne hum ko ata nahin ki hamari gardish hai apni gardish
KHud apni marzi se is jahan ki ragon mein girdab hum hue hain

Riyaz Latif

---

---

yahin par KHatm honi chahiye thi ek duniya
yahin se baat ka aaghaz hona chahiye tha

Riyaz Latif

---

---

zamin phail gai hai hamari ruh talak
jahan ka shor ab andar sunai deta hai

Riyaz Latif

---

---