chashma-e-nab na baDh kar junun sailab bane
bah na jae ki ye miTTi ka makan hai ab ke

Razi Raziuddin

---

---

chhalka paDa hai chehron se ek wahshat-e-junun
phaila paDa hai ishq ka bazar KHair ho

Razi Raziuddin

---

---

diwana-e-khirad ho ki majnun-e-ishq ho
rahna hai us ko chaak-gareban kiye hue

Razi Raziuddin

---

---

dil ko jalae rakkha hai hum ne charagh sa
is ghar mein hum hain aur tera intizar hai

Razi Raziuddin

---

---

dushman-e-jaan hain sabhi sare ke sare qatil
tu bhi is bhiD mein kuchh der Thahar ja ai dil

Razi Raziuddin

---

---

is andhere mein jalte chand charagh
rakhte kis kis ka wo bharam honge

Razi Raziuddin

---

---

jagah bachi hi nahin dil pe choT khane ki
uTha lo kash ye aadat jo aazmane ki

Razi Raziuddin

---

---

nashsha-e-yar ka nasha mat puchh
aisi masti kahan sharabon mein

Razi Raziuddin

---

---

qalb-o-jigar ke dagh farozan kiye hue
hain hum bhi ehtimam-e-bahaaran kiye hue

Razi Raziuddin

---

---