ab kaise charagh kya charaghan
jab sara wajud jal raha hai

Razi Akhtar Shauq

---

---

do baadal aapas mein mile the phir aisi barsat hui
jism ne jism se sargoshi ki ruh ki ruh se baat hui

Razi Akhtar Shauq

---

---

hum itne pareshan the ki haal-e-dil-e-sozan
un ko bhi sunaya ki jo gham-KHwar nahin the

Razi Akhtar Shauq

---

---

hum ruh-e-safar hain hamein namon se na pahchan
kal aur kisi nam se aa jaenge hum log

Razi Akhtar Shauq

---

---

mujh ko pana hai to phir mujh mein utar kar dekho
yun kinare se samundar nahin dekha jata

Razi Akhtar Shauq

---

---