ehtar hai ab dur raho tum Tesu ke in phulon se
shoKH bahut hai in ki surKHi aaina dikhlae to

Raunaq Naeem

---

---

gali gali mein takalluf ki dhul hoti hai
ab apna shahar bhi lagta hai ajnabi ki tarah

Raunaq Naeem

---

---

haalat-e-KHun-asham se ghafil nahin lekin
ai zulm tere hath pe baiat nahin karte

Raunaq Naeem

---

---

in daraKHton se bhi nata joDiye
jin daraKHton ka koi saya nahin

Raunaq Naeem

---

---

saikDon pul bane fasle bhi miTe
aadmi aadmi se juda hi raha

Raunaq Naeem

---

---