agar chilman ke bahar wo but-e-kafir-ada nikle
zaban-e-shaiKH se salle-ala salle-ala nikle

Ranjoor Azimabadi

---

---

uton mein kis bala ki hai kashish allah hi jaane
chale the shauq-e-kaba mein sanam-KHane mein ja nikle

Ranjoor Azimabadi

---

---

deta hai mujh ko charKH-e-kuhan bar bar dagh
uf ek mera sina hai us par hazar dagh

Ranjoor Azimabadi

---

---

dikha kar zahr ki shishi kaha 'ranjur' se us ne
ajab kya teri bimari ki ye hakmi dawa nikle

Ranjoor Azimabadi

---

---

hota hai saf ru-e-kitabi se ye ayan
kafir hai go wo but magar ahl-e-kitab hai

Ranjoor Azimabadi

---

---

mujh ko kafi hai bas ek tera muafiq hona
sari duniya bhi muKHalif ho to kya hota hai

Ranjoor Azimabadi

---

---