aansu jo bahen surKH to ho jati hain aankhen
dil aisa sulagta hai dhuan tak nahin aata

Ram Riyaz

---

---

ab kahan wo pahli si fursaten mayassar hain
sara din safar karna sari raat gham karna

Ram Riyaz

---

---

hum os ke qatre hain ki bikhre hue moti
dhoka nazar aae to hamein rol ke dekho

Ram Riyaz

---

---

jo tere gham mein jale hain wo phir bujhe hi nahin
jab in ki rakh kuredo sharare zinda hain

Ram Riyaz

---

---

tere intizar mein is tarah mera ahad-e-shauq guzar gaya
sar-e-sham jaise bisat-e-dil koi KHasta-haal sameT le

Ram Riyaz

---

---

zindagi kashmakash-e-waqt mein guzri apni
din ne jine na diya raat ne marne na diya

Ram Riyaz

---

---

zindagi to sapna hai kaun 'ram' apna hai
kya kisi ko dukh dena kya kisi ka gham karna

Ram Riyaz

---

---