e-din hue iman diya hum ishq mein sab kuchh kho baiThe
aur jin ko samajhte the apna wo aur kisi ke ho baiThe

Ram Awtar Gupta Muztar

---

---

dekh liya kya jaane sham ki suni aankhon mein
jhil mein suraj apni sari lali Dal gaya

Ram Awtar Gupta Muztar

---

---

dil ka sukun rizq ke hangame kha gae
sukh aadmi ka chand niwalon ne Das liya

Ram Awtar Gupta Muztar

---

---

duniya tere nam se mujh ko pahchane
ishq mein aisa ruswa kar de ya-allah

Ram Awtar Gupta Muztar

---

---

jo chhu lun aasman panw ki dharti khinch leta hai
wo mujh ko kyun mere qad se baDa hone nahin deta

Ram Awtar Gupta Muztar

---

---

lamha lamha bikhar raha hun main
apni takmil kar raha hun main

Ram Awtar Gupta Muztar

---

---

main kaise tai karun be-samt raston ka safar
kahan hai shahr-e-tamanna koi pata to de

Ram Awtar Gupta Muztar

---

---

na aae mere honTon tak jo paimana nahin aata
meri KHuddariyon ko hath phailana nahin aata

Ram Awtar Gupta Muztar

---

---

namus-e-zindagi gham-e-insan mein Dhaal kar
suti hai raat jam se suraj nikal ka

Ram Awtar Gupta Muztar

---

---