ab hai dua ye apni har sham har sahar ko
ya wo badan se lipTe ya jaan tan se nikle

Rajab Ali Beg Suroor

---

---

dam-e-takfin bhi gar yar aawe
to niklen hath bahar ye kafan se

Rajab Ali Beg Suroor

---

---

kya yahi thi shart kuchh insaf ki ai tund-KHu
jo bhala ho aap se us se burai kijiye

Rajab Ali Beg Suroor

---

---

lazim hai soz-e-ishq ka shoala ayan na ho
jal bujhiye is tarah se ki mutlaq dhuan na ho

Rajab Ali Beg Suroor

---

---

na pahuncha gosh tak ek tere haihat
hazaron nala nikla is dahan se

Rajab Ali Beg Suroor

---

---

nadan kah rahe hain jise aaftab-e-hashr
zarra hai us ke ru-e-daraKHshan ke samne

Rajab Ali Beg Suroor

---

---