aaine ko toDa hai to malum hua hai
guzra hun kisi dasht-e-KHatarnak se aage

Rafi Raza

---

---

dhup chhanw ka koi khel hai binai bhi
aankh ko DhunD ke laya hun to manzar gum hai

Rafi Raza

---

---

ek din apna sahifa mujh pe nazil ho gaya
us ko paDhte hi meri sari KHataen mar gain

Rafi Raza

---

---

ek majzub udasi mere andar gum hai
is samundar mein koi aur samundar gum hai

Rafi Raza

---

---

ek ujDi hui hasrat hai ki pagal ho kar
bain har shahr mein karti hui dekhi gai hai

Rafi Raza

---

---

kis ne roka hai sar-e-rah-e-mohabbat tum ko
tumhein nafrat hai to nafrat se tum aao jao

Rafi Raza

---

---

main samne se uTha aur lau larazne lagi
charagh jaise koi baat karne wala tha

Rafi Raza

---

---

paDa hua hun main sajde mein kah nahin pata
wo baat jis se ki halka ho kuchh zaban ka bojh

Rafi Raza

---

---

tu KHud apni misal hai wo to hai
isi apni misal mein mujhe mil

Rafi Raza

---

---