ajab tarah ki hai duniya ba-rang-e-bu-qalamun
ki hai har ek judagana al-aman tanha

Qasim Ali Khan Afridi

---

---

as nahin chalta hai warna apne mar jaane ke sath
phenk dete khod kar duniya ki sab buniyaad hum

Qasim Ali Khan Afridi

---

---

hai juda sajda ki ja hindu musalman ki magar
fahm walon ke tain dair-o-haram donon ek

Qasim Ali Khan Afridi

---

---

ishq hai ai dil kaThin kuchh KHana-e-KHala nahin
rakh dilerana qadam ta tujh ko ho imdad-e-dad

Qasim Ali Khan Afridi

---

---

kaam hai matlab se chahe kufr howe ya ki din
ja pahunchna hai kisi surat se apne yar tak

Qasim Ali Khan Afridi

---

---

KHuda ko sajda kar ke mubtazil zahid hua ab to
to ja kar mah-jabin ke aastan pe jubba-sai ka

Qasim Ali Khan Afridi

---

---

lab-e-shirin se agar ho na tera lab shirin
kohkan tu bhi to ab daman-e-kohsar na chhoD

Qasim Ali Khan Afridi

---

---

mara jawega bhag ai naseh
dekh ye naznin sawar aaya

Qasim Ali Khan Afridi

---

---

mujhe KHushi ki giraftar main hua tera
to shad ho ki hai aisa shikar asir mera

Qasim Ali Khan Afridi

---

---