aaegi har taraf se hawa dastaken liye
uncha makan bana ke bahut khiDkiyan na rakh

Prem Kumar Nazar

---

---

ahut lambi masafat hai badan ki
musafir mubtadi thakne laga hai

Prem Kumar Nazar

---

---

dil-e-tabah ki iza-parastiyan malum
jo dastaras mein na ho us ki justuju karna

Prem Kumar Nazar

---

---

ek angDai se sare shahr ko nind aa gai
ye tamasha main ne dekha baam par hota hua

Prem Kumar Nazar

---

---

ho raha hai pas-e-diwar bhi kuchh
jaane kya karta hai karne wala

Prem Kumar Nazar

---

---

ji chahta hai hath laga kar bhi dekh len
us ka badan qaba hai ki us ki qaba badan

Prem Kumar Nazar

---

---

kahen hain reKHta punjab mein nazar-sahib
ba-qadr-e-zauq tum un ki suno hua so hua

Prem Kumar Nazar

---

---

lafz chhin jaen magar tahrir ho raushan jahan
honT hon KHamosh lekin guftugu baqi rahe

Prem Kumar Nazar

---

---

main bhi talash-e-ab-e-hawas mein nikla hun
shor suna tha ek chashme ke ubalne ka

Prem Kumar Nazar

---

---