abhi se subh-e-gulshan raqs-farma hai nigahon mein
abhi puri naqab ulTi nahin hai sham-e-sahra ne

Parvez Shahidi

---

---

git hariyali ke gaenge sisakte hue khet
mehnat ab ghaarat-e-jagir tak aa pahunchi hai

Parvez Shahidi

---

---

guzra hai kaun phul khilata KHiram se
'shadab' aaj rahguzar pa raha hun main

Parvez Shahidi

---

---

meri zindagi ki zinat hui aafat-o-bala se
main wo zulf-e-KHam-ba-KHam hun jo sanwar gai hawa se

Parvez Shahidi

---

---

na jaane kah gae kya aap muskurane mein
hai dil ko naz ki jaan aa gai fasane mein

Parvez Shahidi

---

---

saKHt-jaan wo hun ki maqtal se sar-afraaz aaya
kitni talwaron ko deta hua aawaz aaya

Parvez Shahidi

---

---

yaad hain aap ke toDe hue paiman hum ko
kijiye aur na sharminda-e-ehsan hum ko

Parvez Shahidi

---

---

ye taj ke sae mein zar-o-sim ke KHirman
kyun aatish-e-kashkol-e-gada se nahin Darte

Parvez Shahidi

---

---