as ek dhyan ki main ungli tham rakhi hai
ki bhiD mein kahin KHud se juda na ho jaun

Parvez Sahir

---

---

itna be-asra nahin hun main
aadmi hun KHuda nahin hun main

Parvez Sahir

---

---

meri fitrat hi mein shamil hai mohabbat karna
aur fitrat kabhi tabdil nahin ho sakti

Parvez Sahir

---

---

puchha tha main ne jab use kya mujh se ishq hai?
us ko mere sawal pe hairat nahin hui

Parvez Sahir

---

---

'sahir' ye mera dida-e-giryan hai aur main
sahra mein koi dusra jharna to hai nahin

Parvez Sahir

---

---

waqt achchha zarur aata hai
par kabhi waqt par nahin aata

Parvez Sahir

---

---