aisa na ho ye raat koi hashr uTha de
uThta hai sitaron se dhuan jagte rahna

Owais Ahmad Dauran

---

---

ahti nahin hai mard ki aaankhon se ju-e-ashk
lekin hamein batao ki hum kis liye hansen

Owais Ahmad Dauran

---

---

e-daron ki duniya kabhi luTti nahin 'dauran'
ek shama liye tum bhi yahan jagte rahna

Owais Ahmad Dauran

---

---

hum shaer-e-hayat hain hum shaer-e-hayat!
'dauran' wo surKH rang ka parcham to do hamein

Owais Ahmad Dauran

---

---

kuchh dard ke mare hain kuchh naz ke hain pale
kuchh log hain hum jaise kuchh log hain tum jaise

Owais Ahmad Dauran

---

---

paiwand ki tarah nazar aata hai bad-numa
puKHta makan kachche gharon ke hujum mein

Owais Ahmad Dauran

---

---

sab mastiyon mein phenko na patthar idhar udhar
diwano! is dayar mein shishe ke ghar bhi hain

Owais Ahmad Dauran

---

---

shayad kisi ki yaad ka mausam phir aa gaya
pahlu mein dil ki tarah dhaDakne lagi hai sham

Owais Ahmad Dauran

---

---

un makanon mein bhi insan hi rahte honge
raunaqen jin mein nahin aap ki mahfil ki si

Owais Ahmad Dauran

---

---