KHalwat-e-naz mein kuchh aur hi raunaq hoti
koi KHalwat mein agar anjuman-ara hota

Nazneen Begum Naz

---

---

meri umr-e-guzishta ki haqiqat puchhne walo
mujhe wo umr umr-e-raegan malum hoti hai

Nazneen Begum Naz

---

---

miTa miTa sa tasawwur hai naz mazi ka
hayat-e-nau hai ab is umr-e-raegan se gurez

Nazneen Begum Naz

---

---

qasam KHuda ki ye waraftagi na thi mujh mein
kisi ke ishq-e-saliqa-shiar se pahle

Nazneen Begum Naz

---

---

sada-bahaar ho tum aur meri qismat ho
koi bahaar na thi is bahaar se pahle

Nazneen Begum Naz

---

---