aae to dil tha bagh bagh aur gae to dagh dagh
kitni KHushi wo lae the kitna malal de gae

Nazeer Siddiqui

---

---

abhi se wo daman chhuDane lage ho
jo ab tak mere hath aaya nahin hai

Nazeer Siddiqui

---

---

aur hi wo log hain jin ko hai yazdan ki talash
mujh ko insanon ki duniya mein hai insan ki talash

Nazeer Siddiqui

---

---

hum se shikayaten baja hum ko bhi hai magar gila
pahle se hum nahin agar pahle se aap bhi nahin

Nazeer Siddiqui

---

---

jis darja nek hone ki milti rahi hai dad
us darja nek banne ka arman kabhi na tha

Nazeer Siddiqui

---

---

jo log maut ko zalim qarar dete hain
KHuda milae unhen zindagi ke maron se

Nazeer Siddiqui

---

---

kisi ki mehrbani se mohabbat mutmain kya ho
mohabbat to mohabbat se bhi aasuda nahin hoti

Nazeer Siddiqui

---

---

aat se shikayat kya bas tumhin se kahna hai
tum zara Thahar jao raat kab Thaharti hai

Nazeer Siddiqui

---

---