aaine se mujh dal ke tahayyur ko mila dekh
ye donon barabar hain koi besh na kam hai

nayan sukh

---

---

aage ko baDh sake hai na pichhe ko haT sake
yan tak tere KHayal mein ab DaT gaya hai dil

nayan sukh

---

---

aur sab 'mani' ne teri to banai taswir
par durust ho na saki chehre ki parwaz hanuz

nayan sukh

---

---

chaTpaTi dil ki bujhi yar ke dekhe se yun
bhuke ko jaise kahin se goya khana aaya

nayan sukh

---

---

dekha hai kahin gul ne tujhe jis ki KHushi se
phula hai wo itna ki qaba mein na samawe

nayan sukh

---

---

idhar se sete jao aur udhar se phahTta jae
aise tarah ke kapDe ko phir sije bhi nahin

nayan sukh

---

---

is majra ko ja ke kahun kis ke ru-ba-ru
meri to dauD haigi tere aastan tilak

nayan sukh

---

---

jawe bhi phir aawe bhi kai shakl se har bar
chakkar mein kahan, par ye maza tan mein dekha

nayan sukh

---

---

jitna ki hai ifraat teri kam-nigahi ka
utna hi idhar dekho to ye dida-e-nam hai

nayan sukh

---

---