ikhre hue KHwabon ki wo taswir hai shayad
ab ye bhi nahin yaad kahan us se mila tha

Nawab Ahsan

---

---

ehsas-e-tirgi tha use raushni ke baad
is KHauf se charagh ki lau kanpti rahi

Nawab Ahsan

---

---

jab bhi lauTa ganw ke bazar se
mujh ko sab bachchon ne dekha pyar se

Nawab Ahsan

---

---

KHauf-o-dahshat se lab nahin khulte
warna qatil meri nigah mein hai

Nawab Ahsan

---

---

shab-e-firaq ki tanhaiyon mein tera KHayal
mere wajud se karta raha juda mujh ko

Nawab Ahsan

---

---

us ne to chhina tha mere jism se mera libas
jab pahan kar us ne dekha to qaba Dhili mili

Nawab Ahsan

---

---