apna baadal talashne ke liye
umar bhar dhup mein nahae hum

Navneet Sharma

---

---

choT khae hue lamhon ka sitam hai ki use
ruh ke chehre pe dikhte hain muhanse kitne

Navneet Sharma

---

---

ek taswir ko haTaya bas
dil ki diwar KHali KHali hai

Navneet Sharma

---

---

jiya hun umr bhar main bhi akela
use bhi kya mila naraazgi se

Navneet Sharma

---

---

kis ne socha tha ki KHud se mil kar
apni aawaz se Dar jaana hai

Navneet Sharma

---

---

mere andar mera kuchh bhi nahin bas tu hai baqi
tere andar bata pyare main ab kitna bacha hun

Navneet Sharma

---

---

mere qarib koi KHwab kaise aa pata
ki mujh mein rahte hain barson se ratjage raushan

Navneet Sharma

---

---

phone par baat hui us se to andaza hua
apni aawaz mein bas aaj hi shamil hua main

Navneet Sharma

---

---