dekha use to aankh se aansu nikal paDe
dariya agarche KHushk tha pani tahon mein tha

Nasir Zaidi

---

---

han ye KHata hui thi ki hum uTh ke chal diye
tum ne bhi to palaT ke pukara nahin hamein

Nasir Zaidi

---

---

koi sannaTa sa sannaTa hai
kash tufan uTha de koi

Nasir Zaidi

---

---

main be-hunar tha magar sohbat-e-hunar mein raha
shuur baKHsha hama-rang mahfilon ne mujhe

Nasir Zaidi

---

---

wo bhi kya din the ki jab ishq kiya karte the
hum jise chahte the chum liya karte the

Nasir Zaidi

---

---

wo yun mila hai ki jaise kabhi mila hi na tha
hamari zat pe jis ki inayaten thin bahut

Nasir Zaidi

---

---