kuchh KHud bhi hun main ishq mein afsurda o ghamgin
kuchh talKHi-e-haalat ka ehsas hua hai

Naseem Shahjahanpuri

---

---

main ne mana aap ne sab kuchh bhula Dala magar
ghair-mumkin hai kabhi mera KHayal aata na ho

Naseem Shahjahanpuri

---

---

sar-e-mahshar agar pursish hui mujh se to kah dunga
sarapa jurm hun ashk-e-nadamat le ke aaya hun

Naseem Shahjahanpuri

---

---

tanhai ke lamhat ka ehsas hua hai
jab taron bhari raat ka ehsas hua hai

Naseem Shahjahanpuri

---

---

wo zulm bhi ab zulm ki had tak nahin karte
aaKHir unhen kis baat ka ehsas hua hai

Naseem Shahjahanpuri

---

---