apni mahfil mein mujhe dekh ke kahta hai wo but
kyun mere ghar mein musalman chale aate hain

Naseem Bharat Puri

---

---

charagh-e-sham-e-gharibi tha mein zamane mein
kisi ne aa ke na ThanDa kiya jala ke mujhe

Naseem Bharat Puri

---

---

de den abhi kare jo koi KHub-ru pasand
hum ko nahin pasand dil-e-arzu-pasand

Naseem Bharat Puri

---

---

dil ki shamat aai ja kar phans gaya
yar ke gesu-e-pur-KHam kya karen

Naseem Bharat Puri

---

---

munh meri taraf hai to nazar ghair ki jaanib
karte hain kidhar baat kidhar dekh rahe hain

Naseem Bharat Puri

---

---

tasalliyan bhi nahin un ki chheD se KHali
rula ke chhoDte hain wo hansa hansa ke mujhe

Naseem Bharat Puri

---

---

tumhaari tegh se aankhen lagi hain marne walon ki
ye laila kab meri jaan parda-e-mahmil se niklegi

Naseem Bharat Puri

---

---

ye choTi kis liye pichhe paDi hai
tumhaari zulf dil KHud mang legi

Naseem Bharat Puri

---

---