adan ko jaan se juda ho ke zinda rahna hai
ye faisla hai fana ho ke zinda rahna hai

Najmus Saqib

---

---

dil ko aaj tasalli main ne de Dali
wo sachcha tha us ke wade jhuTe the

Najmus Saqib

---

---

dukh-bhara shahr ka manzar kabhi tabdil bhi ho
dard ko had se guzarte koi kab tak dekhe

Najmus Saqib

---

---

hunuz raat hai jalna paDega us ko bhi
ki mere sath pighalna paDega us ko bhi

Najmus Saqib

---

---

kabhi na TuTne wala hisar ban jaun
wo meri zat mein rahne ka faisla to kare

Najmus Saqib

---

---

kaun hai jo har lamha suraten badalta hai
main kise samajhne ke marhalon mein zinda hun

Najmus Saqib

---

---

main hi TuT ke bikhra aur na roya wo
ab ke hijr ke mausam kitne jhuTe the

Najmus Saqib

---

---

mere hath mein tere nam ki wo lakir miTti chali gai
mere chaara-gar mere dard ki hi wazahaton mein lage rahe

Najmus Saqib

---

---

phir ek bar laDai thi apni suraj se
hum aainon ki tarah phir yahan wahan TuTe

Najmus Saqib

---

---