ahut qarib hai 'muztar' wo zindagi ka nizam
nazar na aaega jab koi bismil o qatil

Muztar Haidri

---

---

hae be-chehragi ye insan ki
hae ye aadmi-numa kya hai

Muztar Haidri

---

---

ek Thes bhi halki si patthar se giran-tar hai
nazuk hai ye dil itna shishe ka ho ghar jaise

Muztar Haidri

---

---

jhuki jhuki jo hai kaDwi-kasili nim ki shaKH
usi pe shahd ka chhatta dikhai deta hai

Muztar Haidri

---

---

kal raat mere dil ne phir chupke se puchha hai
'muztar' teri aahon mein aaega asar kab tak

Muztar Haidri

---

---

KHulus ho to kahin bandagi ki qaid nahin
sanam-kade mein tawaf-e-haram bhi mumkin hai

Muztar Haidri

---

---

koi bhi shakl mukammal kitab ban na saki
har ek chehra yahan iqtibas jaisa hai

Muztar Haidri

---

---

mahfil mein un ki khul gaya dil ka muamla
palkon pe ashk rah gae pine ke baad bhi

Muztar Haidri

---

---

sang-rezo ko haqarat se na Thukraiye aap
KHak ke zarre bhi sine mein sharar rakhte hain

Muztar Haidri

---

---