ujhe hue dar-o-diwar dekhne walo
use bhi dekho jo ek umr yan guzar gaya

Mushfiq Khwaja

---

---

dil ek aur hazar aazmaishen gham ki
diya jala to tha lekin hawa ki zad par tha

Mushfiq Khwaja

---

---

hazar bar KHud apne makan pe dastak di
ek ehtimal mein jaise ki main hi andar tha

Mushfiq Khwaja

---

---

meri nazar mein gae mausamon ke rang bhi hain
jo aane wale hain un mausamon se Darna kya

Mushfiq Khwaja

---

---

nazar chura ke wo guzra qarib se lekin
nazar bacha ke mujhe dekhta bhi jata tha

Mushfiq Khwaja

---

---

ye haal hai mere diwar-o-dar ki wahshat ka
ki mere hote hue bhi makan KHali hai

Mushfiq Khwaja

---

---

ye lamha lamha zinda rahne ki KHwahish ka hasil hai
ki lahza lahza apne aap hi mein mar raha hun main

Mushfiq Khwaja

---

---