anne lage hain dagh sitare KHusha nasib
tarik aasman shab-e-intizar tha

Munshi Naubat Rai Nazar Lakhnavi

---

---

dekhna hai kis mein achchhi shakl aati hai nazar
us ne rakkha hai mere dal ke barabar aaina

Munshi Naubat Rai Nazar Lakhnavi

---

---

fana hone mein soz-e-shama ki minnat-kashi kaisi
jale jo aag mein apni use parwana kahte hain

Munshi Naubat Rai Nazar Lakhnavi

---

---

fikr-e-maal thi na gham-e-rozgar tha
hum the jahan mein aur tera intizar tha

Munshi Naubat Rai Nazar Lakhnavi

---

---

guftugu ki tum se aadat ho gai hai warna mein
jaanta hun baat karti hai kahin taswir bhi

Munshi Naubat Rai Nazar Lakhnavi

---

---

sunta hun ki KHirman se hai bijli ko bahut lag
han ek nigah-e-ghalat-andaz idhar bhi

Munshi Naubat Rai Nazar Lakhnavi

---

---

tamhid thi junun ki gareban hua jo chaak
yani ye KHair-maqdam-e-fasl-e-bahaar tha

Munshi Naubat Rai Nazar Lakhnavi

---

---

tum aise be-KHabar bhi shaz honge is zamane mein
ki dil mein rah ke andaza nahin hai dil ki haalat ka

Munshi Naubat Rai Nazar Lakhnavi

---

---

wahshiyon ko qaid se chhuTe hue muddat hui
gunjta hai shor ab tak kan mein zanjir ka

Munshi Naubat Rai Nazar Lakhnavi

---

---