astiyan kaise na mamnun hon diwanon ki
wusaten in mein wahi late hain viranon ki

Mukhtar Siddiqui

---

---

ibrat-abaad bhi dil hote hain insanon ke
dad milti bhi nahin KHun-shuda armanon ki

Mukhtar Siddiqui

---

---

jin KHayalon ke ulaT pher mein uljhin sansen
un mein kuchh aur bhi sanson ka izafa kar len

Mukhtar Siddiqui

---

---

kabhi faslon ki masafaton pe ubur ho to ye kah sukun
mera jurm hasrat-e-qurb hai to yahi kami yahan sab mein hai

Mukhtar Siddiqui

---

---

kya kya pukaren sisakti dekhin lafzon ke zindanon mein
chup hi ki talqin kare hai ghairat-mand zamir hamein

Mukhtar Siddiqui

---

---

main to har dhup mein sayon ka raha hun juya
mujh se likhwai sarabon ki kahani tum ne

Mukhtar Siddiqui

---

---

meri aankhon hi mein the an-kahe pahlu us ke
wo jo ek baat suni meri zabani tum ne

Mukhtar Siddiqui

---

---

nur-e-sahar kahan hai agar sham-e-gham gai
kab iltifat tha ki jo KHu-e-sitam gai

Mukhtar Siddiqui

---

---

phera bahaar ka to baras do baras mein hai
ye chaal hai KHizan ki jo ruk ruk ke tham gai

Mukhtar Siddiqui

---

---