agar chaman ka koi dar khula bhi mere liye
sumum ban gai baad-e-saba bhi mere liye

Mohsin Zaidi

---

---

ichhaDne walon mein hum jis se aashna kam the
na jaane dil ne use yaad kyun ziyaada kiya

Mohsin Zaidi

---

---

dur rahna tha jab us ko 'mohsin'
mere nazdik wo aaya kyun tha

Mohsin Zaidi

---

---

hum ne bhi dekhi hai duniya 'mohsin'
hai kidhar kis ki nazar jaante hain

Mohsin Zaidi

---

---

har shaKHs yahan gumbad-e-be-dar ki tarah hai
aawaz pe aawaz do sunta nahin koi

Mohsin Zaidi

---

---

jaan kar chup hain wagarna hum bhi
baat karne ka hunar jaante hain

Mohsin Zaidi

---

---

jaise do mulkon ko ek sarhad alag karti hui
waqt ne KHat aisa khincha mere us ke darmiyan

Mohsin Zaidi

---

---

koi akela to main sadgi-pasand na tha
pasand us ne bhi rangon mein rang sada kiya

Mohsin Zaidi

---

---

koi kashti mein tanha ja raha hai
kisi ke sath dariya ja raha hai

Mohsin Zaidi

---

---