ab duaon ke liye uThte nahin hain hath bhi
be-yaqini ka to aalam tha magar aisa na tha

Mohsin Ehsan

---

---

main KHarch kar-e-zamana mein ho chuka itna
ki aaKHirat ke liye pas kuchh bacha hi nahin

Mohsin Ehsan

---

---

main munaqqash hun teri ruh ki diwaron par
tu miTa sakta nahin bhulne wale mujh ko

Mohsin Ehsan

---

---

subh se sham hui ruTha hua baiTha hun
koi aisa nahin aa kar jo mana le mujh ko

Mohsin Ehsan

---

---

tanha khaDa hun main bhi sar-e-karbala-e-asr
aur sochta hun mere taraf-dar kya hue

Mohsin Ehsan

---

---