awwal-e-ishq ki saat ja kar phir nahin aai
phir koi mausam pahle mausam sa nahin dekha

Mohammad Khalid

---

---

chhuTe hain aaise bar-e-safar se tamam log
jaise kisi ke dosh pe sar bhi nahin raha

Mohammad Khalid

---

---

han main shikasta-dil hun magar aaina to hun
tu apna rang dekh mere haal par na ja

Mohammad Khalid

---

---

kaf-e-saiyaad dam-e-KHush-numa zanjir o zindan tak
asiri umr ki hogi magar tartib se hogi

Mohammad Khalid

---

---

kaun sunta hai hawaon ki ajab sargoshiyan
aur jati hain hawaen dar-ba-dar kis ke liye

Mohammad Khalid

---

---

pahle sab aawazen ek shor mein Dhalti hain
phir koi naghma kanon mein ras gholta hai

Mohammad Khalid

---

---

ye qissa-e-jaan yun hi mashhur nahin hota
lazim to hamara tha malzum tumhaara hai

Mohammad Khalid

---

---