aa jae kahin baad ka jhonka to maza ho
zalim tere mukhDe se dupaTTa jo ulaT jae

Mohammad Amaan Nisar

---

---

dekhe kahin raste mein khaDa mujh ko to zid se
aata ho idhar ko to udhar hi ko palaT jae

Mohammad Amaan Nisar

---

---

jun jun nahin dekhe hai 'nisar' apne sanam ko
tun tun yahi kahta hai KHuda jaaniye kya hai

Mohammad Amaan Nisar

---

---

KHanjar na kamar mein hai na talwar rakhe hai
aankhon hi mein chahe hai jise mar rakhe hai

Mohammad Amaan Nisar

---

---

kis jafa-kar se hum ahd-e-wafa kar baiThe
aaKHir is baat ne ek roz pasheman kiya

Mohammad Amaan Nisar

---

---

kya fusun tu ne KHuda jaane ye hum par mara
tujh se phirta nahin dil hum ne bahut sar mara

Mohammad Amaan Nisar

---

---

mat munh se 'nisar' apne ko ai jaan bura kah
hai sahab-e-ghairat kahin kuchh kha ke na mar jae

Mohammad Amaan Nisar

---

---

mujh mein aur un mein sabab kya jo laDai hogi
ye hawai kisi dushman ne uDai hogi

Mohammad Amaan Nisar

---

---

tha jinhen husn-parasti se hamesha inkar
wo bhi ab talib-e-didar hain kin ke un ke

Mohammad Amaan Nisar

---

---