har sina aah hai tere paikan ka muntazir
ho intiKHab ai nigah-e-yar dekh ka

Mohammad Ali Jauhar

---

---

na namaz aati hai mujh ko na wazu aata hai
sajda kar leta hun jab samne tu aata hai

ablutions I do not know, nor do I know prayer
i just bow in worship whenever you are there

Mohammad Ali Jauhar

---

---

qatl-e-husain asl mein marg-e-yazid hai
islam zinda hota hai har karbala ke baad

Mohammad Ali Jauhar

---

---

sari duniya ye samajhti hai ki saudai hai
ab mera hosh mein aana teri ruswai hai

Mohammad Ali Jauhar

---

---

shikwa sayyaad ka beja hai qafas mein bulbul
yan tujhe aap tera tarz-e-fughan laya hai

Mohammad Ali Jauhar

---

---

tauhid to ye hai ki KHuda hashr mein kah de
ye banda zamane se KHafa mere liye hai

Mohammad Ali Jauhar

---

---

tujh se kya subh talak sath nibhega ai umr
shab-e-furqat ki jo ghaDiyon ka guzarna hai yahi

Mohammad Ali Jauhar

---

---

wahi din hai hamari id ka din
jo teri yaad mein guzarta hai

Mohammad Ali Jauhar

---

---