ab ke wasl ka mausam yunhi bechaini mein bit gaya
us ke honTon par chahat ka phul khila bhi kitni de

Mohammad Ahmad Ramz

---

---

alfaz ki giraft se hai mawara hanuz
ek baat kah gaya wo magar kitne kaam ki

Mohammad Ahmad Ramz

---

---

aur koi duniya hai teri jis ki khoj karun
zehn mein phir ek samt bikheri rahguzar Dali

Mohammad Ahmad Ramz

---

---

harf ko lafz na kar lafz ko izhaar na de
koi taswir mukammal na bana us ke liye

Mohammad Ahmad Ramz

---

---

ek sach ki aawaz mein hain jine ke hazar aahang
lashkar ki kasrat pe na jaana baiat mat karna

Mohammad Ahmad Ramz

---

---

jaise KHala ke pas-manzar mein rang rang ke naqsh-o-nigar
baaten us ki wazn se KHali lahja bhaari-bharkam hai

Mohammad Ahmad Ramz

---

---

kaun puchhe mujh se meri gosha-giri ka sabab
kaun samjhe dar kabhi diwar kar lena mera

Mohammad Ahmad Ramz

---

---

'ramz' adhure KHwabon ki ye ghaTti baDhti chhanw
tum se dekhi jae to dekho mujh se na dekhi jae

Mohammad Ahmad Ramz

---

---

sare imkanat mein raushan sirf yahi do pahlu
ek tera aaina-KHana ek meri hairani

Mohammad Ahmad Ramz

---

---