dekhte rahte hain KHud apna tamasha din raat
hum hain KHud apne hi kirdar ke mare hue log

Mirza Athar Zia

---

---

ek dariya ko dikhai thi kabhi pyas apni
phir nahin manga kabhi main ne dobara pani

Mirza Athar Zia

---

---

harim-e-dil mein Thahar ya sara-e-jaan mein ruk
ye sab makan hain tere kisi makan mein ruk

Mirza Athar Zia

---

---

jashn hota hai wahan raat Dhale
wo jo ek KHali makan hai mujh mein

Mirza Athar Zia

---

---

KHud apne qatl ka ilzam Dho raha hun abhi
main apni lash pe sar rakh ke ro raha hun abhi

Mirza Athar Zia

---

---

kya pata jaane kahan aag lagi
har taraf sirf dhuan hai mujh mein

Mirza Athar Zia

---

---

main adhura sa hun us ke andar
aur wo shaKHs mukammal mujh mein

Mirza Athar Zia

---

---

main hi aaina-e-duniya mein chala aaya hun
ya chali aai hai duniya mere aaine mein

Mirza Athar Zia

---

---

main ne kaise kaise moti DhunDe hain
lekin tere aage sab kuchh patthar hai

Mirza Athar Zia

---

---