aaj kya jaane wo kyun aaram-e-jaan aaya nahin
harf-e-ranjish kal to koi darmiyan aaya nahin

Mirza Ali Lutf

---

---

aiTh kar masjid mein rindon se na itna bigaDiye
shaiKH-ji aate ho maiKHane ke bhi akasr taraf

Mirza Ali Lutf

---

---

eganon ne kabhi na wo kanon sunai baat
afsos aashna ne jo aankhon dikhai baat

Mirza Ali Lutf

---

---

der tak zabt-e-suKHan kal us mein aur hum mein raha
bol uThe ghabra ke jab aaKHir ke tain dam ruk gae

Mirza Ali Lutf

---

---

hum aur farhad bahr-e-ishq mein baham hi kude the
jo us ke sar se guzra aab meri ta-kamar aaya

Mirza Ali Lutf

---

---

hua aawara hindostan se 'lutf' aage KHuda jaane
deccan ke sanwlon ne mara ya inglan ke goron ne

Mirza Ali Lutf

---

---

idhar se jitni yagangat ki udhar se utni hui judai
baDhai thoDi si jab idhar se bahut si tum ne udhar ghaTai

Mirza Ali Lutf

---

---

khul gaya ab ye ki wasl us ka KHayal-e-KHam hai
aaj ummidon ka dil hi dil mein qatl-e-am hai

Mirza Ali Lutf

---

---

kis ko bahlate ho shishe ka gulu TuT gaya
KHum mere munh se laga do jo subu TuT gaya

Mirza Ali Lutf

---

---