aaKHir gil apni sarf-e-dar-e-mai-kada hui
pahunchi wahin pe KHak jahan ka KHamir tha

Meerza Jawan Bakht Jahandar

---

---

asan-e-naqsh-e-qadam tere dar se ahl-e-wafa
uThate sar nahin hargiz tabah ke mare

Meerza Jawan Bakht Jahandar

---

---

kahen so kis se 'jahandar' us ki nazron mein
raqib kaam ke Thahre aur hum hain na-kare

Meerza Jawan Bakht Jahandar

---

---

ki dil ne dil-baran-e-jahan ki bahut talash
kui dil-ruba mila hai na dil-KHwah kya kare

Meerza Jawan Bakht Jahandar

---

---

mera KHun-e-dil yun baha dasht mein
ki jangal mein lohu ke thaale paDe

Meerza Jawan Bakht Jahandar

---

---

mujh dil mein hai jo but ki parastish ki aarzu
dekhi nahin wo aaj tilak barhaman ke bich

Meerza Jawan Bakht Jahandar

---

---

sar-rishta kufr-o-din ka haqiqat mein ek hai
jo tar-e-subha hai so hai zunnar dekhna

Meerza Jawan Bakht Jahandar

---

---

tere ishq se jab se pale paDe hain
hamein apne jine ke lale paDe hain

Meerza Jawan Bakht Jahandar

---

---